Aguest mes vos recomanam Alcarràs, ua pellicula dirigida per Carla Simón e guanhadora der Os d’Aur en Berlin.
Basada en aguest petit pòble catalan, narre era istòria d’ua familha de pagèssi que lute per mantier era sua forma de vida deuant es cambis economics e sociaus.
Era istòria vire en torn ara sua possible darrèra cuelheta de persecs, dempús d’èster informadi qu’es terrens qu’an hèt a vier pendent generacions se convertiràn en ua plantacion de plaques solares. Es pannèus solars sustitusissen as arbes.
Un retrat sensible, realista e prigondaments uman sus es relacions, era memòria e era pèrta. Ua guardada ath camp e ara familia damb ua vision umanista dera tèrra, era agricultura, era familia e es tradicions. Un film damb un argument plan actuau e realista.
