Era nòsta recomanacion d’aguest mes ei “Feria” (Hèira), d’Ana Iris Simón. Ua òbra que combine memòria personau, reflexion generacionau e un guardar critic sus es cambis sociaus des darrèri decènnis. A trauès d’arrebrembes familiars, viuéncies quotidianes e referéncies culturaus compartides, era autora met en valor es arraitzes, era pertenença e eth valor des lòcs d’a on viem, en tot méter en centre realitats que soent demoren dehòra des grani relats.
Era novèla abòrde ahèrs coma era identitat, era vida enes petiti territòris, era pèrta de cèrti ligams comunitaris e es dificultats que fòrça persones joenes tròben aué entà bastir un projècte de vida estable. Sense quèir ena nostalgia idealizada, “Feria” mos convide a pensar qué ei çò qu’auem guanhat e qué ei çò qu’auem deishat darrèr coma societat.
Ua lectura pròplèu e leiau que met en valor era memòria, era familia e era importància de preservar aquerò que mos connècte damb era nòstes origines e damb es nòstes comunitats.
